Serat Jayengbaya kuwi buku pituduh / falsafah urip kang dianggit déning R. Ngabehi Ranggawarsita lan diterbitaké déning Balai Pustaka Jakarta, cithakan kapisan taun 1988 kanthi alih basa lan alih aksara déning L. Mardiwarsito. Buku iki dianggit déning R. Ngabehi Ranggawarsita wektu panjenengané isih umur antara 20 nganti 28 taun, yakuwi nalika mengku jabatan carik Kadipaten Anom ing Kasunanan Surakarta, kanthi asma sebutan Mas Ngabèhi
Buku serat kang dumadi saka 250 pada iki nyaritakaké tokoh Jayengbaya kang kepingin nggolèki kabagjan urip kanthi cara nglaksanakaké tugas sacara apik, golèk jabatan dhuwur, lan kalungguhan kang kinurmatan. Jroning upayané kuwi, 47 cara kauripan wis dicoba, nanging ora ana siji-sijia kang cocog, amarga saben cara mau tansah ngadhut kakurangan-kakurangan lan ora ana siji-sijia kang sampurna. Pungkasané, Jayengbaya mutusaké bakal nekuni cara kauripané kang wis biasa, amarga kuwi kang dianggep paling apik.