Geguritan kang kaimpun ing bukuiki ngabarake anane cakrik basa (Jawa) kang mbokmenawa bisa diarani tus utawa khas penggurite. Puser Bumi kaya dadi papan ketemune tembung-tembung khas, mbokmenawa saka dielek kang lumrah kanggo ing bebrayan papane penggurite (nrecik, sethepe, nderuwes, ngawar, ribi-ribi, nyingklo, muges, nerek) lan tembung-tembung kang wis or apati popular ing pacaturan padinan sarta tetembungan (kang isih) popular kang kapethik saka karya sastra warisane para rumuhun utawa kang wus dadi basa pinathok (bagaskara, ingwang, ewuh aya ing pambudi, wader kalen – saka “wader kali”, nglurug tanpa bala, menang tanpa ngasorake, eka marang sawiji, satriya piningit, nut ing jaman kelakone). – Bonari Nabonenar.