Anno 1982 Professores Facultatis in Urbe Brixiensi cursum legerunt introductium in Codicem iam recognitum sed nondum promulgatum et, uti subsidium pro lectionibus sequendis, adnotationes in diversos libros novi Codicis scripserunt. Promulgato iam Codice, opportunum duxerunt illas adnotationes novae legis tenori ac numeris aptare, necnon pro communi canonistarum utilitate typis edendas curare. In votis est ut intra temporis spatium non ita magnum veri nominis commentaria in novum Codicem concinnare et publici iuris facere possint.